تكنولوجيا تعيد الاموات للتمثيل || تكنولوجيا المستقبل
لو ما اتفرجتش على Fast & Furious 7 واللى كمل رغم وفاة "Paul
Walker"
فانت اكيد شفت اعلان بيبسى فى رمضان السنه اللى قبل اللى فاتت واللى اتعمل برده
رغم وفاه فؤادالمهندس وكلنا انبهرنا وقلنا ازاى عملوها وغيرها من افلام
الAnimation الجامده جدا زى Avatar . عشان نعرف إجابات الأسئلة اللى فوق
دى .. تعالوا بينا نعرف يعنى ايه CGI ؟!
Computer-generated imagery و دى عبارة عن تكنولوجيا صناعة
الشخصيات والعوالم الإفتراضية...بيدوروا الاول على اقرب حد لملامح الشخصيه اللى
عاوزين يجسدوها وبعدين يشتغلوا عليها.
ليها تطبيقات كتير جداً .. أبسط إستخدام ليها مثلا اعلانات القرى السياحيه او المدن
الجديده لما تشوف كومباوند راقى متكامل ويكون بيعرض تصميم ثلاثى الأبعاد
للكومباوند من جوه وبره وحمامات سباحه وطرق زى الحقيقى تمام .. أهو التصميم ده
تطبيق بسيط اوى من التطبيقات للتكنولوجيا دى.
احنا كـ Designers يهمنا نتكلم فى الجزء الأهم بقى .. إزاى تقدر تعمل حاجة زى دى
؟ عمليا شغل الــCGI ميفرقش كتير عن شغل الــ 3D
- يعنى هتحتاج تتخصص اكتر فى مجال الـ 3D وتتعلم ازاى تشتغل Maya
- ولازم تكون عندك مهارات فى الرسم والإبداع
- إقرأ مقالات كتير عن الموضوع ده .. وتابع جديد التكنولوجيا والتصوير يوم بيوم
هتفيدك جدا
- إتفرج على شغل ناس كتير عشان الإلهام
وآخر حاجة ممكن تشوفها .. هتحمسك وتخليك عايز تشتغل فى المجال ده:
- ده فيديو بيوضح مراحل إستخدام التقنية دى فى إعلان بيبسى بتاع رمضان (فؤاد
المهندس)
- وده فيديو بيعرض أسوأ 10 مرات إستخدمت فيها التقنية
- ودى فيديوهات بتعرض أفضل إستخدامات ليها فى الفترة الأخيرة
